Кајли Џенер би можела да се соочи со затвор, откако на официјалниот сајт на Форбс е објавен текст со тврдења дека влијателната убавица веќе не е милијардерка и дека исплетла „мрежа од лаги“, пишува Дејли мејл.
„Таа исплела мрежа лаги за податоците на компанијата, ја надувала големината на бизнисот и успехот, а ни во исплатата на данокот не била чесна“, пишува во текстот што вчера го објави Форбс.
„Лажела за податоците на компанијата и фалсификувала даночни пријави“, наведе Форбс, додавајќи дека го направила сето тоа за да „го достигне статусот на милијардерка“.
Дејли мејл ги пренесува изјавите на познатиот адвокат Јан Ханџлик, кој вели дека тврдењата на Форбс би можеле да ја стават „кралицата на карминот“ во сериозна законска неволја.
„Мојата претпоставка е дека Комисијата за размена на хартии од вредност ќе започне неформална истрага, а потоа можеби ќе се достигне ниво на формална истрага, која ќе доведе до покана за суд“, вели Ханџлик.
„Ако Министерството за правда одлучи ова да стане кривичен случај, ако дојде до осудувачка пресуда, тоа би можело да вклучи и затворска казна за сите лица кои се одговорни“, наведува бившиот сојузен тужител.
По текстот на Форбс Кајли се огласи на Твитер.
„Со што се будам… Мислев дека ова е угледен веб-сајт… Сè што гледам се бројни неточни изјави и непотврдени претпоставки. Никогаш не сум барала некаква титула, ниту се обидов да лажам. Точка“, напишала Кајли.
