Сè што ќе внесете преку храната, влијае и врз изгледот на вашата кожа.
Таа открива многу за нашите навики, вклучително и прехранбените. Најголем непријател на здравиот тен е рафинираниот шеќер и јаглехидратите од грицките, брзата храна и десертите.
Шеќерите се „врзуваат“ за колагенот и еластинот и создаваат процес наречен гликација, а чија последица се воспаленија, недостаток на колаген и појава на брчки.
Исто така, се насобираат и масти во сврзното ткиво и тоа го губи квалитетот. За да се подобри квалитетот на кожата, во исхраната треба да бидат застапени овошје, зеленчук, житарици, јатки, семиња, мешунки, риба, посно месо и нискомаслени млечни производи.
Минерали кои треба да ги внесуваме се и калциумот, железото, магнезиумот, натриумот, калиумот, манганот и цинкот.
