11.8 C
Скопје
16 октомври, 2021

ИСТРАЖУВАЊЕ: Луѓето кои јадат повеќе млечни масти имаат помал ризик од срцеви заболувања

Луѓето кои консумираат повеќе млечни масти имаат помал ризик од кардиоваскуларни заболувања отколку оние кои ги консумираат во помала мерка, покажува новата студија.

Меѓународен тим научници ја проучувале потрошувачката на млечни маснотии на 4.150 60-годишници во Шведска-земја со едно од највисоките нивоа на производство и потрошувачка на млечни производи во светот.

Тие го мереле нивото на одредени масни киселини во крвта, а потоа следеле во наредните 16 години колку од нив имале срцев или мозочен удар, како и колку од нив починале.

млеко

Истражувачите откриле дека луѓето со високо ниво на масни киселини, што укажува на висок внес на млечни масти, имале најмал ризик од кардиоваскуларни заболувања болест, како и еднаков ризик од смрт.

Тимот потоа го потврдил своето откритие со проучување на 17 други студии во кои биле вклучени речиси 43.000 луѓе од САД, Данска и Велика Британија.

„Нашето истражување сугерира дека од млечните маснотии нема никаква штета… Всушност, откривме дека оние со највисоко ниво на млечни маснотии имаат најмал ризик од кардиоваскуларни заболувања. Овие врски се многу интересни, но потребни ни се дополнителни студии за подобро разбирање на целосното влијание на млечните масти и млечната храна врз здравјето“, истакна еден од авторите на студијата, Мети Марклунд.

Кети Триу, истражувачка на Институтот Џорџ, истакна дека потрошувачката на некои млечни производи, особено ферментираните, претходно била поврзана со здравствените придобивки за срцето.

доручек

Млечните производи се богати со хранливи материи

„Сè повеќе докази сугерираат дека влијанието на млечната храна зависи од видот, а не од содржината на маснотиите. Нашата студија сугерира дека намалувањето на млечните маснотии или целосно избегнување на млечните производи можеби не е најдобриот избор за здравјето на срцето“, истакнува Триу.

Млечната храна може да биде богата со заситени масти, а исто така е богата со многу други хранливи материи и може и треба да биде дел од здравата исхрана.

„Меѓутоа, другите масти како оние што се наоѓаат во морската храна, оревите и други тропски растителни масла може да имаат поголеми здравствени придобивки од млечните масти“, додава Триу.

Брајан Пауер од ирскиот институт за технологија Слиго вели дека студијата ги охрабрува да го преиспитаат она што мислевме дека го знаеме за храната и болестите.

„Млечните производи не треба да се избегнуваат“, рече тој за „Си-Ен-Ен“.

Слични објави

НЕМА ДА СЕ ЗДЕБЕЛИТЕ!: 5 намирници кои смеете да ги јадете и на полноќ

Еспресо

БЕСТСЕЛЕРОТ ЌЕ ДОБИЕ ТВ СЕРИЈА: Последните денови на Џон Ленон од поглед на неговиот убиец

Ј.К.Д

ТОП СОВЕТ ЗА СЛАБЕЕЊЕ: Зошто е важно за топење на мастите да сме малку гладни?

Еспресо

ДАЛИ СТЕ ВИЕ МЕЃУ НИВ?: Ова се најљубоморните и најпосесивните хороскопски знаци

Еспресо

(РЕЦЕПТ) ГОТВИМЕ СО ТЕА: Како да направите совршени ражничи овој викенд

jasmina.kantardzieva

(ФОТО) ЦВЕТЕН РАЈ НА 1.100 МЕТРИ НАДМОРСКА ВИСИНА: Искусна фризерка, „исфризирани“ цвеќиња!

Ј.К.Д
Се вчитува....