19.8 C
Скопје
11:30 - 28 март, 2024

Ви треба проверен и докажан рецепт за трилече?  – од кујната на Давор Панчевски

Постапката ја поедноставувам со тоа што користам купечки карамел за трилече, а комбинацијата на три  различни млека е она што го прави овој колач толку посебен.

Давор ни носи рецепт за трилече, фото приватна архива

Потребни состојки

За пандишпанот:

200 г брашно

1 пакетче прашок за печиво

прстофат сол

120 г омекнат путер или маргарин на собна температура

200 г шеќер

5 јајца на собна температура

За преливот од млеко

250 мл хопла

500 мл млеко

400 мл кондензирано млеко

карамел сос за премачкување

Начин на подготовка:

Во длабок сад промешајте го брашното, прашокот за печиво и солта.

Во друг сад изматете го путерот со шеќерот, додека смесата не стане пенеста. Додавајте ги јајцата, едно по едно матејќи добро помеѓу секое додавање. Додајте ги сувите состојки во смесата со изматениот путер и јајца. Премачкајте плех број 28 со путер и набрашнете го за да не се залепи пандишпанот. Префрлете ја смесата за пандишпан и израмнете ја површината со помош на шпатула. Печете во веќе загреана рерна на 180 степени околу 25-28 минути, или додека чепкалката кога ќе го проверите колачот не излезе чиста.

Превртете го пандишпанот во истото тавче од другата страна и со помош на вилушка прободете го на повеќе места.

Во еден голем сад или бокал промешајте ги хоплата, полномасното млеко и кнодензираното млеко и промешајте.

Полејте ја оваа мешавина од млеко врз пандишпанот на неколку пати. Оставете да се впие течноста преку ноќ или неколку часа. Кога пандишпанот комплетно ќе се излади премачкајте со карамел сосот и пресечете парчиња за сервирање.

Добар апетит и забавно готвење со Давор.

 

Слични објави

(Фото) Саудиска Арабија за првпат на Мис Универзум: Оваа убавица го направи историскиот чекор

еспресо

Еден од најпознатите јутјубери во светот призна дека има рак: „Сакаа да отстранат бенка“, а дијагностицирале меланом

еспресо

Британците бараат виновник: Кој шири лаги за Кејт Мидлтон?

еспресо

Астропрогноза за четврток, 28 март: За Овните нови можности, за Биковите напредок

еспресо

Ќе „загубат глава“: Три хороскопски знаци лудо ќе се вљубат во април

еспресо

Ана Бекута се врати во „Ѕвездите на Гранд“: „Мислам дека некому пречам“

еспресо
Се вчитува....