Вчеравечер во Бејрут, Либан, се одржа изборот за „Мис на Европа 2020“, на кое учество земаа и две девојки од Македонија.
Победи убавицата од Франција, титулата Прва придружничка ја освои Литванија, а пак Втора придружничка е девојката од Украина.
Нашата претставничка, Ангела Јакимовска од Скопје направи убав успех влегувајќи во Топ 10 убавици и плус освои и лента и круна за најубаво тело – Miss Best Body.
– Таа на изборот настапи преку Модното студио Црнокрак, кое ја поседува лиценцата за нашата држава за овој престижен интернационален избор за убавина – изјави Мики Црнокрак и додаде дека уште една девојка од Модното студио Црнокрак успеа да освои титула и тоа Трета придружничка, а тоа е деветнаесетгодишната црногорка Лара Стешевиќ, која ја претставуваше својата држава.
Сите европски убавици престојуваа две недели во хотелот „Ривиера“ на самиот брег на Средоземното море во Бејрут, Либан.
Финалето се одржа во Casino Du Liban, за жал без публика, поради истите мерки кои и тука во Либан се превземаат како превенција од Корона вирусот.
На овој избор беше и Мики Црнорак кој беше член од стручната жири-комисија.
