– Како што претходно кажавме, и во следните денови времето во Македонија ќе се задржи сончево и стабилно со мала до умерена локална облачност. До сабота ќе дува умерен, а Долж Повардарието засилен ветер од северен и од северозападен правец. Особено утре наутро ќе биде МНОГУ СТУДЕНО кога минималните температури понекаде ќе се спуштат до околу -15 степени. Максималните дневни температури пак во следните денови ќе бидат нешто повисоки и ќе се искачуваат во интервалот од 2 до 9 степени, додека во најтоплите предели истите се очекува да се искачат малку над 10 степени – објаснува нашиот метео прогнозер Славчо Попоски.
И во Скопскиот регион во следните денови ќе имаме стабилно, суво и сончево време со мала до умерена локална облачност. До сабота ќе дува умерен до засилен ветер од северен и од северозападен правец. Наутро температурите се очекува да се спуштат до околу -6 степени, додека максималните ќе се искачуваат во интервалот од 4 до 6 степени.
