Пејачот Роби Вилијамс откри дека имал прилика да го замени Фреди Меркјури во групата „Queen“, но дека ја одбил таа понуда уште пред Адам Ламберт да го заземе тоа место.
Брајан Меј и Роџер Тејлор беа воодушевени од вокалните способности на Роби Вилијамс, кога првпат ја слушнаа неговата верзија од нивната песна „We are the champions“, по што му понудија да стане фронтмен на бендот, но тој ги одби.
Иако Роби е познат по своите „откачени“ настапи, се чини дека пејачот се плаши од тоа дека нема да може да ги исполни очекувањата.
– Дури иако сум доста сигурен со микрофон во раце, имам многу малку самопочит кон себе – изјави Вилијамс.
Тој додаде дека за него Фреди Меркјури е како ангел и дека чувствува премногу страв од идејата дека треба да застане на сцена и да го заземе неговото место.
За ова место доволно храброст сепак собра пејачот Адам Ламберт, кој ги предводи „Queen“ уште од 2011 година, а Роби, кој сепак беше прв избор за оваа позиција, за Ламберт рече дека е „неверојатен пејач“.
Роби, додаде дека чувствувал преголема одговорност уште од самата помисла дека токму тој треба да го замени Фреди, па затоа не можел да ја прифати понудата.
