Шпанската кралица Летиција носеше посебна кошула, зад шарените везови се крие силно значење.
По повод нејзиниот официјален ангажман во Мадрид, шпанската кралица Летиција Ортиз одбра специфичен моден изглед – црни панталони со висок струк и – една многу необична кошула.
Станува збор за таканаречена Вишиванка, традиционалната украинска кошула која се карактеризира со типични колоритни везови.
View this post on Instagram
Со ваквиот моден избор кралицата всушност покажа солидарност кон народот на Украина во овие големи моменти на очај, почит кон културата и традицијата на земјата која моментално е под опсада.
Преплетувањето на геометриските и цветни украси на кошулата ја раскажува душата и историјата на Украина. Потеклото на овој вез е од далечното минато, од античко време. Со текот на времето, везот стана симбол на украинската традиција, карактеристична форма на уметност на украинскиот идентитет, а главно се користи за украсување облека, но и за украсување различни други ткаенини, чаршави, а се среќава и во традиционалните украински домови и во црквите.
