Камерунскиот саксафонист, легендата на џез музиката, Ману Дибанго, почина како резултат на актуелниот коронавируст на 86-годишна возраст, информираа денеска француските медиуми.
Саксафонистот Ману Дибанго светската слава ја стекна по успешниот албум „Soul Makosa“ од 1972 година, а потоа на публиката им се претстави со уште неколку хитови кои ќе останат да се слушаат и по неговата смрт.
– Тој почина рано утрово во болница во регионот во Париз – изјави за „Франс прес“ Тиери Дирепер, кој ги води музичките изданија на уметникот.
Заедно со Фела Кути и Хју Масекел, Дибанго беше еден од пионерите на афро битот, а неговиот стил е оригинална фузија на џезот, соулот и традиционалната африканска музика.
