Започнавме убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
Денес нашата драга Теа ни подготви мафини со спанаќ и сирење.
– Мафините ми се еден од рецептите кои често му ги спремам за појадок или вечера на Стефан.Најомилени му се со спанаќ и сирење во комбинација со јогурт или кисело млеко.Супер брз топол оброк што ќе го обожаваат и најмалите – објаснува Теа.
Потребни состојки:
4 јајца1/2 чаша* масло1 пециво1 чаша* брашно1 чаша* гриз1 чаша* кисело млеко или јогуртпо желба: спанаќ и сирење, шунка, кашкавал и оригано, праз и сирење, и сл.*чаша за млеко од 200 мл
Начин на подготовка:
Со маталка во подлабок сад изматете ги јајцата и потоа додадете ги маслото, пецивото, брашното, гризот и јогуртот. Се убаво измешајте за да добиете убава хомогена смеса. На крај додадете ги спанаќот и сирењето, измешајте убаво и распоредете ја смесата во тавче за мафини. Печете ги во загреана рерна на 250 степени 20 минути и уште 10 минути на 200 степени.
На здравје и уживајте!
