Британскиот актер Идрис Елба (47) минатата недела на социјалните мрежи призна дека е позитивен на коронавирус.
Неговата сопруга Сабрина Довре (29) не сакала да се самоизолира и да се раздели од сопругот.
– Сакам да бидам со него. Тоа е инстинкт на жена. Сакаш да бидеш тука и да се грижиш – порачала Сабрина.
Меѓутоа, неколку дена по оваа нејзина изјава и таа е сега позитивна на коронавирусот.
– Открив дека сум позитивна на коронавирусот – рекла во новата серија за коронавирусот на водителката Опра Винфри (66).
Сега заедно со сопругот се во карантин во Мексико, каде Идрис го снимаше последниот филм.
– Не чувствувам ништо од тоа што луѓето ги очекуваат како симптоми на коронавирус, што е навистина чудно. Тоа би можело да се промени во наредните недели, за се ќе известиме – рекла Сабрина.
Дека нема симптоми рекол и Елба откако дознал дека е позитивен на вирусот.
– Немав симптоми, се тестирав бидејќи бев во контакт со некој кој дозна дека е заразен. Штом дознав дека е заразен, веднаш се повлеков во самоизолација и ги направив тестовите. Тоа е сериозно. Сега е добро да се одалечите од луѓето, да ги миете рацете… изјавил познатиот актер.
– Постојат луѓе кои се заразени, а немаат никакви симптоми. Затоа сега е време да бидете многу внимателни – изјавил во видеоснимката.
