Пред неколку месеци Меган Маркл (38) прифати да го позајми гласот за продукциската куќа „Дизни“, а оттаму за возврат најавија дека ќе донираат средства за добротворната организација која ги штити слоновите. Британските медиуми започнаа да шпекулираат дека работата пропадна, а Меган ја повикаа и креаторите на „Симсонови“, но тогаш Дизни сепак се огласи.
Меган стана нараторка во документарниот филм „Elephant“, кој од 3 април ќе се прикажува на каналот на Дизни+. Светски познатото студио ја објави веста на својот службен твитер-профил.
Многу прашина дигна оваа објава на „Дизни“, особено поради снимките кои британските медиуми ги „ископаа“, а на кои Хари „фаќа врски“ за работа за неговата сопруга кај шефот на „Дизни“, Боб Игер.
Disneynature’s Elephant, an Original Movie narrated by Meghan, The Duchess of Sussex, starts streaming April 3, only on #DisneyPlus. pic.twitter.com/ArpgkbrjRj
— Disney+ (@disneyplus) March 26, 2020
Едни се воодушевени и најавуваат дека филмот сигурно ќе го гледаат со своите деца, додека оние кои не се обожаватели за некогашниот кралски пар пишуваат коментари до „Дизни“ од типот на „Затнете ги ушите кога таа ќе почне“ и „Фала, но не сакам да учествувам во ова и да го гледам филмот“.
Пред венчавката со принцот Хари, Меган се занимаваше со глума, а позната улога имаше во популарната серија „Suits“. Со веридбата и потоа со бракот со член од кралското семејство, таа се откажа од својата актерска кариера на која сега полека и се враќа.
