Меган Маркл во кошула од 29 евра, покажа како се комбинираат „хај стрит“ модните марки и ја замолче Кејт Мидлтон!
На настанот на доделување на награди – Endeavour Fund Awards, поранешната глумица стави до знаење на целиот свет дека се вратила во Лондон и тоа го направи со неверојатен изглед и широка насмевка (облечена во креација во сина нијанса од британската модна креаторка Викторија Бекам).
Но, тоа не беше сè. Војвотката од Сасекс како да сакаше да се врати во Лондон и да ѝ даде модна лекција на Кејт Мидлтон која во последно време е многу популарна во јавноста комбинирајќи поевтини модни марки со луксузни модни прачиња, по урнекот на неприкосновената модна кралица – кралицата од Шпанија, Летиција.
Додека Кејт Мидлтон успеа да ги освои симпатиите на девојките ширум светот комбинирајќи „хај стрит“, односно широко достапни модни марки, со луксузни модни парчиња, Меган Маркл за само неколку часа успеа да ѝ ја врати лекцијата. И да ѝ покаже дека тоа го прави подобро од неа. Во Лондонскиот Национален театар, Меган Маркл се појави во бела блуза со органза со трендовски „паф“ ракави купена по цена од само 29 евра од Топшоп – еден од брендовите најомилени на војвотката од Кембриџ, Кејт Мидлтон. Ракавицата е фрлена.
