Со последната фотографија на Инстаграм, Хајди Клум успеа да ги заинтригира фановите. Стомакот за кој тврди дека е само резултат на добра вечера, на многумина им изгледа како да е знак дека манекенката чека принова.
Иако не ја исклучува опцијата за нова бременост и раѓање на петто дете, Хајди Клум е прилично таинствена за тоа прашање последниве неколку месеци.
Во медиумите неколкупати се пишуваше дека Хајди е бремена, но славната Германка успешно ги игнорираше таквите натписи.
На последната фотографија позира со сопругот Том Каулиц и неговиот брат Бил.
„Вечерата беше добра“, ја појасни ситуацијата Хајди Клум, а судејќи според коментарите под фотографијата, на нејзините следбеници не им звучела баш уверливо.
