Американската пејачка Бијонсе вчера најави дека ќе донира 6 милиони долари за поддршка на организациите кои се често заборавени за време на коронавирусот, а тоа конкретно се однесува на организациите и работниците кои се грижат за менталното здравје.
Во изјавата пишувало дека таа се здружила со сопственикот на Твитер, Џек Дорси со цел да соберат 6 милиони долари за организациите кои даваат здравствени услуги за ментално здравје.
Нејзината фондација „BeyGood“ објасни зошто сакале да ја поддржат токму таа гранка од здравството.
„BeyGood ја препознава важноста на психичкото здравје кое е сега запоставено за време на пандемијата на ковид-19. Во нашите големи градови, во Афро-американското општество, постои дисбаланс во бројот на работници, така што на нив ќе им треба и лична и ментална поддршка, вклучувајќи тестирање и медицински услуги, залихи на храна и достава на храна за време и по кризата“, пишува во изјавата.
