Некогашната манекенка Карла Бруни (52) и сопруга на поранешниот француски претседател Николас Саркози (65), ја згрози јавноста со своето однесување и изјавите во врска со коронавирусот.
Додека многу нејзини колеги на своите следбеници им препорачуваат да бидат внимателни и одговорно да се однесуваат поради вирусот, Карла на снимката која го заобиколи светот изјави дека тоа нејзе не ја загрижува и се потсмеваше на луѓето кои се грижат за новонастанатата ситуација во светот.
На снимката која е објавена на Јутјуб, Карла која што се сретнува со претседателот на LVMH модната група, Сидни Толедан (68), вели:
„Секако дека ќе се бакнеме, не сме глупи. Ние сме стара генерација која не се плаши од ништо. Не сме феминисти и сигурно не се плашиме од коронавирусот“, беше изјавата на Карла упатена кон Толедан.
После таа изјава, манекенката изглуми кашлање и се наметнуваше во лицето на останатите.
Оваа снимка ја пренесе и француската телевизија, после што јавноста започна да ја критикува поранешната Прва дама, иако снимката настана пред да се влоши ситуацијата и прошири коронавирусот.
Карла после сите овии критики се огласи на друштвените мрежи.
„Сакам да се извинам на сите кои го видоа видеото и кои беа шокирани од содржината. Сакам да кажам дека ова не се одразува на моите вистински чувства. Понекогаш сакаме да се пошегуваме и тоа може да испадне невкусно, иако сме сакале само да ги забавуваме присутните и направиме шоу“, напиша Карла.
А еве го и скандалозното видео:
