На Сашо Мицевски, како што вели, најголем предизвик кога станува збор за дворот е секогаш да биде среден. И очигледно, предизвикот редовно го исполнува – зашто посреден од овој двор тешко може да се замисли. Самиот двор е предизвик и за нашите очи, а за ноздрвите – волшебен цветен парфем сконцентриран во луксузно „шишенце“ од 200 квадратни метри.
Сашо по професија е професионален возач, вози цистерна за гориво веќе 15 години.
– Дворот се протега на околу 200 квадратни метри и се наоѓа во населба Илинден, Скопје, а во него има најразновидни цвеќиња и зимзелени дрвца – вели Сашо кој ни открива дека за двороти за уредувањето тој е одговорен со помош на неговото семејство.
– Направен е за своја душа, а во дворот секој ќе почувствува опуштање и релаксација – додава Сашо.
Инаку, Сашо е член на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Ви ја носиме атмосферата од преубавиот двор преку фотогалерија.
Фото-приватна архива
