Ниту еден американски претседател пред Бајден никогаш не бил толку отворен во воената одбрана на Тајпеј.
На четири недели до дваесеттиот конгрес на ККП, Комунистичката партија на Кина, настанот што ќе ја дефинира новата надворешна политика на Пекинг, американскиот претседател Џо Бајден отворено вели дека американските сили ќе го бранат Тајван од можен кинески напад.
Изјавата е дадена за Си-Би-Ес, запрашан од новинарот дали американските трупи ќе го бранат Тајван, Бајден одговори „да“ доколку се работи за „напад без преседан“.
Ова не е прв пат Бајден да рече дека американските сили ќе бидат вмешани во војна меѓу Кина и Тајван, иако Белата куќа подоцна ги повлече овие тврдења. Последен пат слична изјава даде во мај, за време на посетата на Јапонија. Со ова, ниту еден друг американски претседател никогаш не бил толку експлицитен во потсетувањето на Пекинг со какви ризици би се соочил доколку реши да го нападне Тајпеј, пренесува „раињуз“.
