Енрике Иглесијас на својот Инстаграм профил објави видео на кое се бакнува со обожавателка која присуствувала на неговиот концерт во Лас Вегас.
Видеото доловува како пејачот прво ја бакнува обожавателката во образ, додека таа прави заедничко селфи, но потоа се случува непредвидлив пресврт – одеднаш двајцата почнуваат да се бакнуваат во уста пред изненадените извици на насобраната толпа.
View this post on Instagram
Случката наиде на лавина критики од неговите фанови кои меѓу другото изразија и збунетост поради фактот што пејачот не само што премногу си дозволил, туку и го објавил видеото од „страсниот“ настан.
Некои го потсетија Иглесијас дека е веќе во врска и дека подобро би било почесто да објавува фотографии на Инстаграм со неговата сегашна партнерка, руската тенисерка Ана Курникова.
„Да сум на местото на неговата девојка, би ја повлекла оваа жена за коса“, „Ова е крајно непочитување, бидејќи тој е оженет човек. Да беше слободен, би рекол дека оваа девојка имала среќа“, „лош пример на татко за децата“…се само дел од коментарите на разочараните фанови.
