Од Ковид-19 во последните 24 часа починаа девет лица, од кои две млади пациентки, едната на 23, а другата на 29 години.
– Пациентката 23 години од Скопје е потврдена позитивна на 5.09, а претходно 4 дена била со симптоми: температура, кашлица и тешко дишење. Хоспитализирана е на 12.09 на Инфективната клиника во Скопје и веднаш класифицирана како тежок пациент, ставена на кислород. Ден пред да настапи смрт, состојбата на пациентката се влошила со пад на сатурација, по што била ставена на неинвазивна вентилација (НИВ). Смртта настапила нагло. Пациентката имала коморбидитети, опериран тумор на хипофиза и морбус кушинг- ендоринолошко заболување – велат од Министерството за здравство за „Слободен печат“.
За втората почината пациентка од МЗ велат дека имала заболување на тироидната жлезда.
– Пациентката 29 години oд Струмица е почината во Клиниката Жан Митрев. Во епидемиолошкиот извештај на ИЈЗ стои дека имала заболување на тироидната жлезда – додаваат од МЗ.
The post Двете пациентки кои починаа од Ковид-19 на 23 и 29 години имале претходни заболувања appeared first on Слободен печат.
Двете пациентки кои починаа од Ковид-19 на 23 и 29 години имале претходни заболувања was first posted on септември 15, 2020 at 5:53 pm.
