Симптомите што се појавуваат по каснување од комарец, болка, чешање, оток, се карактеристични симптоми на локална алергиска реакција. Но ако чешањето се појави на целото тело, за таква реакција треба да се побара лекарска помош.
За поблагите реакции, како што е вообичаеното чешање, можете да го употребите следново:
Мед – ако не ви пречи чувството на лепливост на кожата, медот делува противвоспалително и може да го смири чешањето.
Млеко и вода – Помешајте иста количина млеко и вода и во тоа потопете чиста ткаенина. Со неа пребришете го подрачјето на убодот и ќе го смирите чешањето.
Лимон – Ќе ве ослободи од чувството на чешање, ама не го користете ако планирате после тоа да поминете извесно време на отворено, односно ако бидете директно изложени на сонце.
Паста за заби – Повеќето пасти за заби имаат вкус на нане, што создава чувство на ладење на кожата. Состојките во пастата за заби ќе помогнат во намалување на отокот.
