Најпознатата српска блогерка Зорана Јовановиќ или на Инстаграм позната како Зоранах (29) со јавноста сподели информација дека доживеала непријатност на летот за Италија.
Имено, како што таа раскажала, на патувањето за Италија посадата на авионот на патниците им сугерирала да ги користат маските со кислород, бидејќи настанале проблеми во летот.
Блогерката сето тоа го забележала со камера, а потоа објаснила дека во Милано требала да се сретне со босанската инфлуенсерка Лејла Хајровиќ, но поради непланирани околности, летот морал да се помести за неколку часа.
Познатата блогерка објаснила дека патниците биле во голема паника кога екипажот им соопштил дека имаат потешкотии со летот.
Сепак, по неколку минути кружење над Србија, авионот успешно слетал на белградскиот аеродром, а патниците неколку часа подоцна отпатувале за Милано.
