„Прдеж од патка“ е коктел – „шот“ на слоеви од Алјаска направен со комбинација од Ка(х)луа, ирски крем и виски. За да се подготви, гореспоменатите состојки треба внимателно да се истурат во чаша со ист редослед. „Краун Ројал“ е традиционалниот избор на виски при подготовка на „паткиниот прдеж“, но може да се замени со било кој друг вид виски доколку не ви е достапно.
Иако потеклото на овој „шот“ е прилично матно, се верува дека е измислен во бар на Алјаска наречен „Фарма на кикиритки“ од шанкер и постара жена додека експериментирале со рецепти за шотови.
Потребни состојки:
– 15 мл Ка(х)луа
– 15 мл Ирски крем (Бејлис)
– 15 мл Виски
Подготовка:
Започнете со Ка(х)уа на долниот слој. Полека додајте го ирскиот крем, истурајќи го полека на задниот дел од лажицата. Додадете го вискито за горниот слој, исто така внимателно истурајќи го на задниот дел од лажицата.
