Пејачката Тејлор Свифт ќе мора да се појави на суд поради „плагијат“, пренесуваат американските медиуми.
Случајот одекна во јавноста уште во 2017 година, кога Шон Хол и Нејтан Батлер ја тужеа Свифт, тврдејќи дека текстот на нејзиниот хит „Shake It Off“ го презела од песната „Playas Gon ‘Play“ на групата „3LW“, снимена во 2001 година.
Во 2018 година, судијата назначен на тој случај ги отфрли овие тврдења, но, жалбата на наводно оштетените страни успеа да издејствува пејачката сепак да се појави на распит.
Иако судијата Мајкл Фицџералд призна дека разликите меѓу двете песни се очигледни, тој додаде дека има доволно „објективни сличности“ за да го оправда судењето пред поротата која на крајот ќе одлучи.
