Католичката епархија во Сицилија им се извини на родителите откако нивниот епископ наводно на група деца им рекол дека Дедо Мраз не постои, пренеува „Би-Би-Си“.
Бискупот Антонио Стаглиано наводно на истиот верски настан рекол дека црвениот костум на Дедо Мраз го избрала кока-кола за рекламирање, пишуваат италијанските медиуми. Тие коментари ги налутиле родителите.
Во своето извинување од епархијата рекле дека бискупот сакал да го нагласи вистинското значење на Божик.
ДЕЦАТА И ВИСТИНАТА ЗА ДЕДО МРАЗ: Детски психолог ја разреши вечната дилема!
Исто така, бискупот сакал да привлече внимание на приказната за Св. Никола, оригиналната инспирација за ликот на Дедо Мраз, познат по дарувањето на сиромашните.
„Најпрво во име на бискупот изразувам жалење за оваа објава која во најмала рака предизвика разочарување и сакам да истакнам дека намерите на монсињор Стаглиано беа сосема поинакви“, напиша пречесниот во изјавата на фејсбук-профилот на епархијата.
Имено, бискупот сакал децата „да размислат за значењето на Божик“, велејќи дека празникот станал познат по консумеризмот.
„Ако можеме да извлечеме поука од сите нас, млади и стари, од животот на Свети Никола… тоа е ова: помалку подароци за „конзумирање“ и повеќе „подароци“ за споделување“, се вели во соопштението.
Во интервју за „La Repubblica“, бискупот објаснил дека не им рекол на децата дека Дедо Мраз не постои, туку дека е неопходно „да се направи разлика помеѓу она што е реално, а што не е“.
