– Под влијание на МНОГУ ТОПЛА воздушна маса од Африка, во следните денови времето во Македонија ќе биде сончево и МНОГУ ТОПЛО со мала до умерена локална облачност. Утре ќе дува и засилен ветер од западен и од северозападен правец. Во попладневните часови локално ќе има услови за нестабилност, проследена со пороен дожд, грмежи и засилен ветер. Поголеми услови за нестабилност и на повеќе места ќе има утре, кога ќе има услови и за појава на локално НЕВРЕМЕ. Температурите во следните денови ќе се искачуваат во интервалот од 30 до 38 степени, додека во најтоплите предели истите се очекува да се искачат до околу 40 степени. Пад на температурите за неколку степени ќе има во петок.
И во Скопскиот регион во следните денови ќе се задржи МНОГУ ТОПЛО време. Ќе биде сончево со мала локална облачност, а особено утре попладне ќе има појава на нестабилност, проследена со локален пороен дожд, грмежи и засилен ветер. Можна е и појава на локално КРАТКОТРАЈНО НЕВРЕМЕ. Температурите во следните денови ќе се искачуваат во интервалот помеѓу 31 и 36 степени – вели метео прогнозерот Славчо Попоски.
