12.8 C
Скопје
05:00 - 12 јули, 2025

(Фото) Македонска страст во белгискиот двор на Весна Стојкоска: „Корените вечно ќе ги негувам, како што ги негувам и овие цвеќиња“

Со задоволство разговараме со Весна Стојкоска, прилепчанка, или како што вели – „родена и живеена тутунарка“. Дипломирала на трговското училиште, а во Белгија дошла во 1980 година, се омажила со Македонец, кој веќе живеел во Белгија, но често доаѓал во Македонија и така с епознавале.

– Си дојдовме овде, во Белгија, на почетокот ми беше тешко, многу влажна клима, јазикот не го знаев, се ми беше чудно – ја започнува Весна својата животна приказна. – За брзо време почнав да работам, јазикот бргу го научив со работата, после дојдоа двете деца, а со децата уште повеќе се учи.

И така Весна е во Белгија, во близина на Брисел, веќе цели 42 години. Оваа нашинка во Белгија љубовта кон цвеќињата си ја „однела“ таму.

– И во Македонија секогаш имавме убави цвеќиња. Тоа е како вирус, цвеќето сака љубов и одгледување како и едно дете – со насмевка ни одговара Весна.

Обожава орхидеи, има од нив повеќе од 26, но има и разновидни други растенија и цвеќиња.

– Имам летна стаклена просторија кадешто ги чувам – додава таа – имам и многу убави трендафили, а и секое убаво цвеќе што ќе го видам, го купувам. Тука се и сезонските цвеќиња и кога едно ќе се исуши, веднаш го заменувам за ново.

Весна обожава убави бои, такви и се цвеќињата, колоритни, раскошни.

– Во пролет моите лалиња се во најразлични бои, а и нарцисите се прекрасни, i mnogu drugi vidovi cve’e – ни открива и вели дека за да е убав дворот треба работа.

– Постојано сум по малку во дворот, работам, чистам, копам, средувам…

За Весна вистинско задоволство е кога има гости па со нив ја споделува оваа убавина, па кафенце, сокче, муабети…

– Македонија е моето родно место, преубаво, народот е приемлив, добар, убавини има насекаде, полиња, планини, реки, сè, за жал, многу малку има фабрики за народот да може задоволно да работи, за да не бегаат луѓето од таму. А и секоја работа треба да е платена – искрена е Весна и среќна што сме ја потсетиле на нејзините корени кои вели дека вечно ќе ги негува, на нејзинатародна грутка која секогаш си ја носи во душата, исто како што ги негува и чува своите цвеќиња.

Инаку, Весна е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!

Уживајте во фотогалеријата.

Фото – приватна архива

(Фото) „Секој ден по неколку пати поминувам покрај секое цвеќе посебно“: Цветната приказна на Валентина Андонова

Слични објави

Млада пејачка поминува низ пекол поради Зорица Брунцлик и Кемиш: „Со години ми прават „сопки““

E.A.

„Не се знае кој повеќе се дрогира“: Милица Тодоровиќ ја откри што се случува на естрадата, не сака повеќе да молчи

E.A.

(Фото+Видео) Јелена Розга го оствари својот долгогодишен сон: „Чекав 20 години“

E.A.

Сопругата на Горан Иванишевиќ им даде на сите материјал за размислување со фотографијата од одмор

Еспресо

Весна Ѓогани за нејзината прва средба со Ѓоле: „Имав 12 години и бев грдо пајче“

Еспресо

(Фото) Драган Стојковиќ Босанац има една од најскапите вили во Белград: Kога се оженил немал покрив над главата, а денес живее во овој луксуз

Еспресо
Се вчитува....