Започнавме убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
А денес Теа ни подготви карамелизиран печен копан со надкопан во карамел од калинка и портокал, за елегантно да ја отвориме сезоната на калинката.
(РЕЦЕПТ) ГОТВИМЕ СО ТЕА: Американската класика Mac&Cheese – кремасти потпечени макарони
Потребни состојки:
- 1 кг. пилешки копан со надкопан
- 125 гр. кафеав шеќер
- 50 мл. сируп од калинка или балсамиран оцет од калинка
- 100 мл. сок од портокал
- 50 мл. вода
- 1 лажица потпечени микс семки
- зрна од 1/2 калинка
- сол и бибер
- мешан сув зачин
- ливчиња свежо нане
View this post on Instagram
Подготовка:
Одвојте ги копанчињата од надкопаните и зачинете ги од сите страни. Наредете ги во тавче со тешетка, попрскајте ги со масло о ставете ги да се печат во ретна на 180 степени 30-40 минути. Во меѓувреме подгответе го карамелот. Во мало тенџере ставете ги шеќерот, сокот од портокал, сирупот од калинка и водата. Оставете го карамелот да изврие со повремено мешање, додека да добиете структура на мед. Откако ќе се испечат копанчињата и надкопанчињата, премачкајте ги со карамелот и вратете ги во рерна на 250 степени уште 10 минути да се карамелизираат. Сервирајте ги со миксот од семки, зрна од калинка и ливчиња нане.
На здравје и уживајте!
(РЕЦЕПТ) ГОТВИМЕ СО ТЕА: Посни сникерс коцки – брзо се прават, уште побрзо се јадат!
