По повод Светскиот ден на предвреме родените бебиња, кој од годинава се одбележува на 15 ноември, модната дизајнерка Маја Кикириткова сподели фотографии и посвета за своите деца, Лазар и Ева. И двајцата се родиле во 33. недела од бременоста, со тежина од неполни два килограми.
Денес Лазар има осум, а Ева шест години. Во објавата, Кикириткова се присети на нивниот почеток и напиша дека овој ден секогаш ѝ буди и тешки и радосни спомени.
„Мали борци од неполни 2кг, кои пораснаа во големи деца. Останете такви какви што сте, борбени, истрајни и секогаш насмеани“, напиша таа.
Кикириткова им порача на Лазар и Ева дека е горда што е нивна мајка, а посветата ја заврши со зборовите „Ве сака мама бескрајно 🤍“.
View this post on Instagram
Од 2026 година, Светската здравствена организација го одбележува овој ден на 15 ноември. Претходно, традиционалниот датум беше 17 ноември.
