Популарните пејачки Марија Шерифовиќ и Јована Пајиќ се појавија на белградскиот аеродром „Никола Тесла“, од каде што заминаа на заедничко патување, со што привлекоа голем интерес кај медиумите и публиката.
Заминувањето доаѓа непосредно по роденденот на Марија, која неодамна прослави 42 години, откривајќи дека овој пат одлучила да го одбележи денот во тишина и опуштена атмосфера:
„Роденденот го поминав скромно, под ќебе“, изјави насмеано Марија на аеродромот.
Иако новинарите се сомневаа дека повторно се упатиле кон некоја од егзотичните дестинации како Бали, каде што и претходно патувале заедно, тие со насмевка открија:
„Не, не отидовме на Бали, менуваме дестинација“, кратко порачаа пејачките, не сакајќи да ги откриваат деталите за тоа каде ќе ги минат наредните денови.
За патувањето двете одбраа удобни, но целосно различни стилови. Марија остана верна на својот препознатливо спортско издание во тренерки и патики, додека Јована се одлучи за порелаксирана урбана елеганција со долго карирано палто и широки панталони.
