Анастасија Ражнатовиќ денеска има посебна причина за славење, бидејќи нејзиниот сопруг Немања го слави роденденот. По тој повод, таа на Инстаграм му посвети емотивна порака, со која покажа колку е среќна што го има покрај себе.
Таа сподели низа прекрасни заеднички фотографии и видеа, на кои се овековечени спомените и посебните моменти, покажувајќи колку е благодарна за сè што нејзиниот сопруг го прави за нивното семејство.
View this post on Instagram
Особено се осврна на фактот дека ова е неговиот најсреќен роденден досега, бидејќи неодамна стана татко.
„Среќен роденден, љубовта на мојот живот. Толку сум благодарна што те имам и за сè што правиш за нашето мало семејство. Не се сомневам дека ова е твојот најсреќен роденден досега, бидејќи најубавиот подарок веќе го доби – нашето момче.
Ти благодарам што секој ден од мојот живот ме правиш да се чувствувам како принцеза и што ми покажуваш како изгледа и како се чувствува вистинската љубов. Бог направи да се сретнеме затоа што знаеше дека нашата најголема радост и највисокиот степен на љубов што ќе го доживееме ќе произлезат токму од нашата средба и од сè низ што ќе поминуваме заедно!
Никој не е како тебе и сите што имале можност да те запознаат во овој живот се неизмерно среќни! Се молам пред сè секогаш да бидеш здрав и сакан! Да прославиме уште многу родендени заедно! Засекогаш и секогаш, бубиска“, напиша Анастасија.
Да потсетиме, Анастасија и Немања Гудељ се заедно со години, а љубовта ја крунисаа со брак.
Неодамна го добија и синот Илијан, кој го збогати нивното семејство, но, судејќи според сè, им го донесе и најубавото животно поглавје.
