Ребека Јанковска- Ристески и Панчо беа блиски пријатели од деца, а пејачката денеска сподели емотивен спомен токму од тоа време.
Денеска беше погребан Владимир Блажев- Панчо, кој по трагичниот пожар во Кочани на 16 март беше во болница седум месеци.
Пејачката Ребека и нејзиното семејство биле блиски пријатели со Панчо и со неговото семејство, а таа на Фејсбук напиша емотивна приказна за него.
-Те испративме денес со молитва. Вечно ќе си ми во моите спомени со сите твои шеги и сите твои палавштини. Каков борец беше од малечок, но ете, оваа борба и за тебе беше многу тешка.
Жалам што не ни дојде со момците на гости. Многу ми е тешко да прифатам дека нема овде да се видиме повторно. Патувај кај твојата мајчичка, нашата тетка Кача во Царството небесно“, напиша Ребека. Мајката на Панчо, Каќуша почина пред 11 години од канцер.
