Кралскиот експерт и биограф Том Квин рече дека принцот Хари ќе има „кратка и формална“ средба со кралот Чарлс Трети за време на неговата посета на Велика Британија оваа пролет, пишува Мирор.
Војводата од Сасекс се очекува да зборува на 10-годишнината од Ивиктус игрите во катедралата Свети Павле на 8 мај. Иако неговото патување не е официјално потврдено, Хари е наведен како гостин на официјалната церемонија и треба да оджри говор на отворањето.
Том Квин сугерираше дека војводата ќе се сретне со татко му кој е „поблаг“ кон него од неговиот постар брат, принцот Вилијам.
„Нема да биде премногу тешко за Хари да го види својот татко, иако врската е исто така полн со болка и горчиливо чувство. Но Чарлс знае дека Хари имал тешко детство, за кое тој, Чарлс, бил делумно одговорен, и затоа тој повеќе му простува од Вилијам“, забележа Квин.
Тој додаде дека средбата ќе биде кратка, стравувајќи дека Хари ќе открие какви било детали за јавноста. „Средбата меѓу Хари и неговиот татко, кралот Чарлс ќе биде кратка и формална, едноставно затоа што секој тежок разговор може да резултира со широко емитување поплаки кога Хари ќе се врати во САД“, продолжи експертот.
„Исто како и неговиот однос со Вилијам, односот на Хари со неговиот татко е сериозно нарушен од публикациите и различните интервјуа на Хари и Меган. Вилијам и Чарлс секогаш ќе се грижат дека нема да можат ништо да кажат приватно и без вистински ризик, плашејќи се дека Хари ќе објави сè јавно“, рече Том Квин.
