Македонската пејачка Симона Поповска вчера (27 март) го прослави нејзиниот 32. роденден со најблиските.
Пејачката важи за една од најдобро стилизираните жени на нашата естрада, па така и овој пат се одлучи за прекрасен фустан, кој одлично се вклопи со тематската боја на прославата – розева.
Таква ѝ била и роденденската торта, а нејзините синови, двегодишниот Никола и едногодишниот Стефан, ѝ помогнаа да ги дувне свеќите.
„Го прославувам мојот посебен ден со двата најголеми подароци кои животот ми ги подари. Додека дувам свеќички за уште една година, благодарна сум за овие моменти, повеќе од кога било. Да наздравиме за уште една година како нивна мајка и за сите авантури кои доаѓаат со тоа. Да наздравиме за тоа што сум една година постара, но се чувствувам помладо во срцето со секоја насмевка и прегратка од моите момчиња“, напиша таа во описот на фотографиите од роденденската прослава.
Исто така, славеничката ја покажа и роденденската честитка од нејзиниот постар син.
„За најслатката мајка. Среќен роденден! Од Никола“, пишува на картичката.
