„Подготвен сум да измислам нешто ново, да обединам различни верувања и сензибилитети за да изградиме заедничко движење заедно со нив“, рече претседателот во заминување.
Претседателот во заминување Емануел Макрон води со 28,1 отсто, а Марин Ле Пен има 23,3 отсто во првиот круг од претседателските избори во Франција, покажуваат првите излезни анкети објавени по затворањето на избирачките места во 20 часот. Вториот круг ќе се случува в недела на 24 април.
„Сакам да ги поздравам сите кандидати кои се претставија во првиот круг. Затоа што од првиот ден силно ги браниме нашите убедувања, но почитувајќи ги сите. Ви благодарам за ова. Им благодарам на Ен Идалго, Јаник Јадо, Валери Пекрес и Фабиен Русел, што вечерва објавија дека ќе ме поддржат на гласањето“. „Го знам разочарувањето на кандидатите и нивните избирачи. Свечено ги поканувам нашите сограѓани, без разлика на нивниот избор во првиот круг, да ни се придружат“-рече синоќа на својот победнички говор францускиот претседател, Емануел Макрон, говорејќи пред своите приврзаници во Париз по резултатите од првиот круг, во кој е во водство против Марин Ле Пен.
Макрон има за цел „да контактира со сите оние кои сакаат да работат за Франција“. Тој исто така рече дека е подготвен да измисли нешто ново за да ги обедини различните сензибилитети за да изгради големо движење заедно со нив, во служба на нашата нација, во следните неколку години на должност“.
„Не смееме да се залажуваме: ништо не е решено и дебатата што ќе ја имаме во следните 15 дена ќе биде одлучувачка за нашата земја и за Европа“, додаде Макрон.
За време на говорот тој се осврна и на темата на исламизмот:
„Ја сакам Франција која решително ќе се бори против исламистичкиот сепаратизам, но која преку секуларизмот дозволува секој да верува или да не верува, да го практикува својот култ. А не Франција која ги спречува муслиманите или Евреите да јадат како што им пропишува религијата“.
ИЗБОРИ ВО ФРАНЦИЈА: Макрон во водство со 28,1% пред Ле Пен со 23,3%
