По свадбата на годината, на Бруклин Бекам и Никол Пелц, во центарот на вниманието е фустанот кој го носеше мајката на Бруклин, Викторија Бекам, за важниот настан.
View this post on Instagram
Викторија Бекам не остана незабележана на свадбата на својот син, напротив. Таа го „украде“ вниманието со отмениот избор, уште штом се појави на тревникот пред луксузната вила, рака под рака со сопругот Дејвид – како да се штотуку венчани. Беше облечена во необичен слип свилен фуста.
Со оглед на тоа што не стои големо дизајнерско име зад фустанот, веќе се претпоставува дека креаторка е самата таа – денес дизајнерката Викторија Бекам и дека станува збор за модно парче од нејзината најнова колекција.
Модниот изглед пак, беше комплетиран со минималистички сребрени обетки и плик-чантичка со детали од слонова коска, додека косата ѝ беше повлечена наназад во нежна пунџа.
Веќе е доста кажано за изборот на фустанот на новата снаа: Никол Пелц не избра облека направена од Викторија Бекам, туку отиде во Рим во ателјето на Валентино по италијански фустан скроен по нарачка. Од првите објавени фотографии дознаваме дека станува збор за класична креација во стил на принцеза.
Викторија секако беше пооригинална, и во улога на „мајка на младоженецот“, но и на денот на нејзината свадба во 1999 година: се сеќавате ли на креацијата на Вера Ванг и на вториот виолетов фустан?!
