Тотално црвен изглед за сопругата на претседателот Пендаровски, Елизабета Ѓоргиевска, која во друштво на сопругот вчеравечер присуствуваше на вечерата организирана од кралот на Шпанија Фелипе Шести и кралицата Летиција.
Вечерата беше организирана за лидерите кои учествуваат на Нато самитот кој се одржува во Мадрид.
Елизабета беше дотерана во црвен фустан со миди должина, нагласен кај струкот, а затворен на предниот дел, без деколте. Така фустанот ја следи убавата силуета на првата дама, претставувајќи ја во полна елеганција и грацилност.
Според наши извори, креацијата е на македонскиот моден дизајнер Никола Ефтимов.
Изгедот е заокружен со чевли со висока потпетица во црвена нијанса и плик-чантичка во истиот тон.
Единствено што, според нас, можеби недостига е барем парченце дискретен накит, на пример, нежни обетки од охридски бисери, но веруваме дека модниот мајстор Ефтимов знаел каков ефект сакал да постигне.
Инаку, Елизабета е за „полна уста“ пофалби што во секоја прилика во и надвор од земјата им дава поддршка на македонските модни дизајнери, носејќи нивни креации.
View this post on Instagram
