Рита Ора денес е позната пејачка, но многу нејзини обожаватели можеби не знаат како го добила своето име и дека нејзиното презиме всушност не било Ора.
Пејачката, која сега живее во Лондон, родена во Приштина како Рита Сахатчиу, а своето вистинско презиме го променила затоа што било тешко да се изговори, пишува „The Sun“.
View this post on Instagram
Името го добила по желба на нејзиниот дедо Бесим кој бил театарски и филмски режисер. Тој ја обожавал актерката Рита Хејворт, па така неговата внука го добила своето име.
Рита е горда на своето потекло и често зборува за тоа, иако живеела во Приштина само првата година од својот живот. Во 1991 година, нејзините родители избегале од Косово во Британија.
View this post on Instagram
Пејачката многу години отворено зборува за своето потекло. Во интервју за „Channel Four“, таа прозборе за тешкотиите да се започне нов живот како бегалец во Велика Британија.
Нејзиниот татко Бесник сега поседува паб во Англија, а нејзината мајка Вера е психијатар и работи за британската служба за јавно здравје.
