Актерката Јована Балашевиќ (42), ќерка на починатиот музичар Ѓорѓе Балашевиќ, минатата сабота го пријавила својот вереник Александар Јовановиќ за семејно насилство.
Како што дознава српски Курир, парот најпрво имал вербален конфликт во станот во кој живеат заедно, од кој Јована сакала да се исели, па таа дошла да си ги собере работите. Потоа со бројни навреди ја заклучил во станот и и рекол да повика полиција, по што таа стапила во контакт со нејзината мајка Оливера Балашевиќ (63) која ги контактирала надлежните органи. По пристигнувањето на полицијата, Јовановиќ ја пуштил да излезе од станот.
– Не би зборувала ништо на оваа тема, за доброто на децата и семејството. Точно е дека го пријавив сопругот, постапката е во тек. Тоа е сè што можам да кажам засега, ве молам за разбирање – изјавила кратко Јована за српски Блиц.
Според информациите на полицијата од Нови Сад, на Јовановиќ, инаку поранешен претседател на Собранието на Град Нови Сад, му е одредена итна мера на забрана на доближување и против него е поднесена кривична пријава за семејно насилство.
