Познатиот актер Морган Фримен ја осуди употребата на терминот „Афроамериканец“ во интервју за „Тајмс“.
„Има две работи што ги сметам за навреда. Првата е Месецот на црнечката историја. Ќе ми ја намалите историјата на еден месец? Афроамериканец исто така е навреда. Не се согласувам со тој термин. На црнците им се давале различни имиња и титули, сè до зборот што почнува на ‘н’. Не знам како овие имиња толку лесно се фаќаат, но сега сите користат Афроамериканец. Што всушност значи тоа? Повеќето луѓе со темна кожа се од мешана раса. А Африка не е една земја, таа е континент, како Европа“, рече актерот.
Инаку, Месецот на црнечката историја се слави во февруари во САД и Канада и во октомври во Велика Британија.
