Илина Арсова изненади со една постапка со која докажува дека е сѐ уште во контакт со Игор Џамбазов. Познатата планинарка и уметница и актерот беа во љубов три години, а на крајот од 2022 ја прекинаа врската откако Илина се пресели во Америка.
-Илина и јас не сме повеќе заедно. Таа веќе одлучи дека сака таму да живее, доби одлична понуда за работа, онаа за која сонуваше во последните 10 години, и што е најважно од сѐ, сето ова таа ми го најави ушт во првите денови на нашата љубов.
И конечно, кога короната и официјално не беше пречка за патувања, таа се спакува, во куферот што ѝ го подарив претходниот ден и замина. Исто како во „Бестрага“. Сите приказни исти се, тажни ко оваа“.
Сите големи љубови се тажни, но јас сум возрасен човек и научив да се справувам со сѐ. Ги молам сите оние што нѐ сакаа и ја подржуваа нашата љубов, да не бараат виновници. Виновник за сето ова не постои.
И понатаму сакам да продолжите да ја поддржувате Илина во нејзините акции, бидејќи таа е една посебна жена со која имав привилегија да бидам скоро три години. Од неа научив многу, а некои нејзини совети ќе ги користам до судниот ден“, рече Џамбазов тогаш за „Слободен печат“.
Игор кој сега живее во Дојран објавил слика од неговта миленичка Ферхунде, а меѓу оние кои коментирале е токму Илина која на Игор му напишала: На мене личи. Добро утро.
