Кралицата Елизабета ја откажа традиционалната прослава на Божик и ги растажи Британците во очи претстојниот празник.
Според официјалното соопштение од Бакингамската палата, овој Божик од превентивни причини кралицата ќе го помине во замокот Виндзор, каде што престојува од првите месеци од минатата година.
Честитката за своите сонародници и целиот светот ќе биде малку поинаква. Лична. Кралицата сè уште го оплакува својот сопруг, принцот Филип, кој почина на почетокот на април.
View this post on Instagram
Новата фотографија од нејзината канцеларија, таканаречената Бела соба, потврдува дека таа испраќа најубави желби на нацијата со заедничка фотографија со покојниот војвода од Единбург, која урамена го краси нејзиното работно биро.
Фотографијата е направена во 2007 година, кога го прославија јубилејот, дијамантската свадба.
View this post on Instagram
Ова е првиот Божик кој кралицата Елизабета Втора ќе го дочека без него. Сепак, таа ќе има друштво – тука ќе бидат нејзиниот син, принцот Чарлс и Камила, војвотката од Корнвол.
Иако зад неа е тешка година бидејќи го загуби својот животен партнер, Елизабета имаше и бројни причини за славје, доби уште четири правнуци.
Утре, кралицата Елизабета Втора традиционално преку видео линк ќе ѝ се обрати на нацијата.
