Џорџ Клуни го продава својот најпознат имот, вилата на езерото Комо која ја поседува 21 година.
George Clooney in Lake Como pic.twitter.com/eQcwwZrus4
— Linda Fritz (@LindFritz) June 1, 2023
Претходно на интернет веќе се појавија вести за претстојната продажба на куќата, која подоцна се покажа дека е лажна, но овој пат повеќе извори тврдат дека информацијата е веродостојна. Веста за „Пипл“ потврди агентот за недвижнини Џасмин Бајсал.
Извор запознаен со ситуацијата забележува дека Клуни пристојно ќе заработи од продажбата на куќата, бидејќи ја купил во 2002 година за само 10 милиони долари, а сега цената изнесува 100 милиони долари.
View this post on Instagram
„Клуни не само што е добар актер, туку е и неверојатно способен инвеститор“, вели инсајдерот за „Пипл“.
Сепак, треба да се земе предвид и дека цените на недвижности во Италија „скокнаа“, особено во таа област, и тоа најмногу поради интересот на холивудските ѕвезди.
Според италијанското списание „Оџи“, една позната миланска агенција за недвижности ќе ги застапува интересите на Клуни на пазарот на продажба.
View this post on Instagram
Изградена во 18 век, вилата Олеандер која располага со 25 соби имала сентиментално значење за Џорџ Клуни, бидејќи токму на езерото Комо тој ја запознал својата идна сопруга Амал во 2013 година: таа дошла на вечера со актерот во друштво на заеднички пријатели. Подоцна, парот заедно со нивните две деца – синот Александар и ќерката Ела – редовно доаѓаа во италијанската вила.
