Замокот лоциран на голем имот во Пацифик Палисадес е новиот дом на Џенифер Лопез и Бен Афлек. Сместен е во луксузна станбена област во Лос Анџелес, помеѓу Санта Моника и Тихиот Океан. Оваа четврт е позната по паркот Темескал, кој вклучува пешачки патеки и нуди уникатен поглед на брегот, луксузниот музеј Гети Вила со експонати на грчки и римски антиквитети и вилата Имс во стилот на модернистичката архитектура од средината на дваесеттиот век. Неизбежни се и песочните плажи и елегантното соседство кое главно го сочинуваат познати личности.
Џенифер Лопез и Бен Афлек за вилата платиле 64 милиони долари, а интересно е што оваа локација не им е непозната бидејќи токму неодамна Бен Афлек ја продаде својата помала вила во истата населба.
Jennifer Lopez and Ben Affleck buy stunning $64M Pacific Palisades home https://t.co/592YnDf0QS
— Daily Mail Online (@MailOnline) March 7, 2023
Новата вила се наоѓа на луксузен имот опкружен со природни убавини, додека внатрешната квадратура е дури 1.500 квадратни метри.
Новите сопственици располагаат со осум спални соби, единаесет бањи, голема теретана, кино сала, голема дневна соба и луксузна тераса и базен.
Во рамките на имотот има куќа за гости и уникатен поглед на Рустикал кањон.
