Во најромантичниот град со својот сопруг, ужива водителката Елена Стефановска-Најдоски позната по прекарот Елена- живот со стил. Таа објави слики од нивниот заеднички одмор.
Елена и Бојан Најдоски шетаат низ најубавите места во Париз, уживаат во убави ручеци со добро вино, како да се на втор меден месец на кој се гледа како сопругот ја разгалува.
За потсетување, Елена се омажи за Бојан во 2022 година, и направија свадба со стил, која ја отвори Павле Камиловски со песна од Андреа Бочели.
-Клучот за да функционираме успешно кај нас беше што од самиот почеток си ги прифативме сите несовршености. Ниту еден од нас не се трудеше да го промени другиот.
Откако сум во брак, моите навики малку се променија во поглед на тоа дека сега сум повеќе ориентирана кон домот и семејството, и најсреќна сум во моментите поминати со мојот сопруг.
Често одиме на патувања на различни дестинации што најголем дел се испланирани од Бојан како изненадување за мене, но еднакво уживам во моментите поминати дома, особено кога Бојан ќе зготви некое вкусно јадење“, рече Елена која порано ја водеше емисијата „Живот со стил“ во едно интервју за „Слободен печат“.
