Пејачката Ана Ѓуриќ, попозната како Констракта, годинава ќе ја претставува Србија на Евровизија, но сè уште е под знак прашалник како ќе изгледа сценскиот настап. Таа ја воодушеви публиката со својот настап на Беовизија, а нејзината песна веќе помина над 13 милиони прегледи на Јутјуб.
Сепак, сè уште не се знае како ќе изгледа конечната верзија на настапот на Констракта на Евровизија.
Таа неодамна во Израел ја изведе својата песна „In corpore sano“ со поинаков настап. Облечена во црвен фустан пејачката излезе сама на сцената и нареди неколу пешкири. Потоа продолжи со традиционалното миење на рацете со сапун.
Констракта вчера настапи и на Хрватскиот јавен сервис со нова кореографија. Пејачката се појави на сцената со своите пратечки вокали кои овој пат ги миеа рацете во црвени легени заедно со пејачката. Ана беше совршено стилизирана со бели волуменозни панталони и бела кошула.
Настапите најмногу се разликуваат по некои детали и изгледот на сценографијата, а каква ќе биде конечната верзија на изведбата останува да видиме.
Кој настап од аспект на сценска изведба најмногу ви се допаѓа?
