Комедијата „Coming To America“ добива свое продолжение по 32 полни години. „Coming То America 2“ пристигнува на „Amazon Prime“ на 5 март, а сега е претставен и првиот трејлер.
Еди Марфи и Арсенио Хол им се враќат на своите улоги Кралот Аким и Семи, а самиот наслов јасно открива дека тие двајца истовремено се враќаат во САД.
Имено, кралот Аким наводно има син во Америка за кој никогаш не знаел, а почитувајќи ја последната желба на својот татко, владетелот на Замунда оди низ мрачните улици во Квинс за да го пронајде својот наследник Лавел, кој го игра Џермејн Флауер. Аким со Лиса има ќерка, но поради законот кој преферира машки потомци, таа не може да го преземе тронот.
Аким и Семи немаат друг избор освен повторно да отпатуваат во Њујорк.
Да се потсетиме „Coming To America“ беше еден вид на културен феномен на крајот на 1980-те во кој беше истакнат неверојатниот талент на Еди Марфи за комедиите.
