Новинарот на „Њујорк Пост“, Џонатан Левин на својот „Твитер“ профил објави видео од вербална пресметка со актерот Алек Болдвин.
Тој ги видел Алек и неговата сопруга Хилари на Менхетен, пред куќата на Вуди Ален и решил да му постави неколку прашања на актерот.
Откако Левин го праша Болдвин што го донело во Њујорк и со кого се среќава, Болдвин тргна на кај новинарот заканувачки со чадор во рацете, додека неговата сопруга го моли Левин да ги остави на мира и го задржува актерот.
NEW … I ran into Alec Baldwin on the Upper East Side pic.twitter.com/8pG5Vpshw2
— Jon Levine (@LevineJonathan) December 7, 2021
Новинарот не се откажува, туку е упорен во намерата да ја дознае вистината, па повторно го прашува актерот дали го испукал куршумот на сетот, на што Болдвин решава да не одговори.
„Не смеете да нè фотографирате пред нечија куќа“, вели актерот кој во еден момент се залета на репортерот, но беше спречен од сопругата во обид физички да се пресмета.
Потсетуваме, беше поднесена тужба против Болдвин, кој ненамерно ја уби снимателката Халина Хачинс за време на снимањето на филм кон крајот на октомври, наведувајќи дека филмското сценарио не бара од него да пука со пиштол.
