Времето за џемпери на Инстаграм го одбележува моќниот хаштаг #sweaterweather , а во нашите плакари конечно дојде време за вистинската промена на облеката.
Доколку сте љубители на неформалниот, кежуал стил на облекување, тогаш сигурно ќе уживате во модата на предимензионираните џемпери: широки раменици, долги ракави, огромни џепови, крупни додатоци, плетенки…
Доколку го негувате деловниот стил, за вас е направена тенката трикотажа која може да ја носите под палтото.
Во мода се полуролката и рол-јаката, кратки ракави или „глушец“ ракави, мешавина од ангора и пастелни нијанси.
Секоја модна трендсетерка оваа сезона дефинитивно ќе поседува беж џемпер, а на вас е да одберете дали ќе изберете крупни плетенки и изработка со дупки или фин, мазен преплет со дискретен светликав ефект.
Треба да имате и сив удобен џемпер од мохер кој ќе го носите во панталоните или со ремен кој ќе ви го истакнува струкот.
За посебно истакнување на вашиот личен стил, одберете долга џемпер-јакна која ќе ја носите со високи чизми или интересен конструиран модел кој сигурно нема да пројде незабележан.
