Тијана Дапчевиќ викендов беше гостинка во емисијата „Премиера – викенд специјал“ и зборуваше за учеството на нејзината сестра на Евровизија.
Таа е презадоволна од настапот и од пласманот на Тамара, а особено важно за неа биле 12-те поени што Македонија ги доби од Велика Британија.
„Важно е што доби 12 поени од Велика Британија, која е колевка на музиката. Не знаеме дали гласовите на публиката се такви. Тоа никогаш нема да го знаеме. Тоа не е теорија, тоа е завера. Нема врска што таа е моја сестра, таа одговори на задачата.“, рече Тијана.
На Тијана не ѝ се допаднало што стручното жири на Македонија не ѝ даде ниту еден глас на Србија, односно на Невена Божовиќ.
„Јас сум разочарана што стручното жири не ѝ даде ниту еден бод на Србија. Тоа не е Македонија, тоа се седум луѓе кои така одлучиле, што е погрешно до бесвест. Македонија гласаше за Невена, бидејќи реално, немаа за кого друг да гласаат“, рече Тијана.
На крајот, Тијана ja откри и ексклузивната вест дека Тамара ќе снима дует со Швеѓанецот.
„Еве, да откријам ексклузива. Тамара ќе снима дует со Швеѓанецот кој беше втор. Тој и пришол и ѝ рекол: Дали е можно дека не си црнка? Кој може така да пее?“
Тијана откри дека Тамара се спријателила и со Италијанецот.
